brandalinfo.no

Onsdag 9. mai hadde det nye styret i Brandal IL sitt første styremøte.

Styret for det komande året er; leiar Kari Britt Løset, nestleiar Yvonne Røyset, sekretær Knut Olav Naustenget, kasserer Odd Arild Brandal, styremedlem Jørn Kleppe og varamedlemmar Sindre Moltu Riisøen og  Vendel Snipsøyr.

Det første styret har tatt fatt på er å gjenreise ballbingen etter Dagmars herjingar. Nytt dekke blei lagt tysdag 8. mai, og i næraste framtid vil dei få oppatt gjerdet rundt. Bingen kan brukast slik den står idag, så det er berre å finne fram fotballskona og fotballen.
Når bingen er ferdigstilt, vil det kome nye nett på fotballmåla. Så kan dei som he behov for eit større areal også få utfolde seg

Styret har veldig lyst til å starte noko som dei kallar «fysisk aktivitet» for dei minste og nest minste borna i bygda. Denne aktiviteten vil føregå enten inne eller ute alt etter veret. Aktiviteten vil bli tilpassa deretter. Kari Britt vil gjerne ha tilbakemelding på kor mange born her er i bygda, som kan tenke seg å vere med på noko slikt, og kor gamle dei er.

Styret sitt neste prosjekt er å få igang igjen 7-ar laget i fotball. Kome igang med trening iløpet av året og påmelding til neste sesong. Alle minnast dei høge hyla frå skuleplassen for nokre årsidan. Styret gler seg alt til neste år!

Idrettslaget vil bruke FB-sida si til å kome i kontakt med dei som bur i bygda, lufte idear og liknande, så del den gjerne vidare!